wd wp Пошук: ⬜

Франц + Паліна

Франц + Паліна (руск.: Франц + Полина) — мастацкі фільм паводле апавядання Алеся Адамовіча «Нямко».

Сюжэт

Беларусь, 1943 год. У вёсцы Пятухі кватаруе нямецкі атрад СС. Малады салдат Франц закаханы ў беларуску Паліну. Але неўзабаве будзе адданы загад на знішчэнне ўсіх жыхароў вёскі…

Акцёры

Святлана Іванова — Паліна
Адрыян Таполь (нямецкі артыст) — Франц
Тамара Міронава — Кучарыха, маці Паліны
Увэ Елінек — Ота
Валянцін Мацапура — Казік
Эрика Булатая — Ліза
Наталля Гарбаценка — маці Казіка і Лізы
Максім Мацапура — Максімка
Андрэй Мярзлікін — Павел

Узнагароды

2007 — Гран-Пры і прыз за лепшую музыку, фестываль FIPA, Біяррыц, Францыя, (кампазітар Анджэй Петрас)
2007 — Адмысловы прыз журы, прызы за лепшую галоўную мужчынскую ролю, галоўную жаночую ролю, аператарскую работу, міжнародны кінафестываль Avanca, Партугалія
2007 — Прыз за лепшую мужчынскую ролю, Міжнародны фестываль ТБ-праграм, Шанхай
2007 — Прыз П. Лебешава за лепшае мастацкае рашэнне фільма, міжнародны кінафестываль «Дух Огня», Ханты-Мансійск
2007 — Адмысловы прыз журы фестывалю «Литература и Кино», Гатчына
2007 — Гран-Пры і прыз за лепшую жаночую ролю фестывалю ваенна-патрыятычных фільмаў імя С. Бандарчука «Волоколамский Рубеж»
2006 — Прызёр 16-га міжнароднага фестывалю ўсходнееўрапейскага кіно, Котбус, Германія
2006 — Прыз за лепшую галоўную жаночую ролю і прыз за лепшую эпізадычную жаночую ролю, фестываль кінаактораў «Созвездие», Цвер
2006 — Асобы дыплом журы і прыз за лепшую жаночую ролю міжнароднага кінафестывалю «Киношок», Анапа
2006 — Прыз за лепшую жаночую ролю міжнароднага кінафестывалю фільмаў пра вайну П. Озерава, Санкт-Пецярбург
2006 — Прыз за лепшы дэбют і за лепшую аператарскую работу, міжнародны кінафестываль «Лістапад», Мінск
2006 — Асобы прыз журы міжнароднага кінафестывалю «Балтийские дебюты», Светлагорск
2006 — Прыз рэжысёру Міхаілу Сегалу за лепшы дэбют «Первая проба» на Моладзевым фестывале «Отражение» у 2006 годзе.

Цікавыя факты

Рускія старанна ўзнаўляюць мову беларускай вёскі, а расійская актрыса Святлана Іванова навучылася размаўляць па-беларуску лепей за многіх тутэйшых.[2].

Нямецкая і беларуская мовы дублююцца субтытрамі па-руску.

Зноскі

1 2 3 http://www.imdb.com/title/tt0899242/ Праверана 8 красавіка 2016.
↑ «Франц + Паліна» Наша Ніва, 17 лістапада 2007

Спасылкі