Гатчына (з 1923 па 1929 — Троцк, з 1929 па 1944 — Краснагвардзейск) — горад (з 1796 года) у Расіі, адміністрацыйны цэнтр Гатчынскага муніцыпальнага раёна Ленінградскай вобласці. Уваходзіць у лік гістарычных гарадоў Расіі. Насельніцтва 89,1 тыс. чал. (2007 год), найбуйнейшы населены пункт Ленінградскай вобласці.
Горад размешчаны ў цэнтральнай частцы вобласці, за 45 км на паўднёвы захад ад Санкт-Пецярбурга. Горад з’яўляецца прамысловым, навуковым, культурным і адукацыйным цэнтрам Ленінградскай вобласці. Размешчаны ў горадзе дзяржаўны мастацка-архітэктурны палацава-паркавы музей-запаведнік «Гатчына», а таксама гістарычны цэнтр горада ўключаныя ў спіс сусветнай спадчыны ЮНЕСКА.