«Таўрыя» (укр.: Таврія) — украінскі футбольны клуб з горада Сімферопаль. З’яўляецца першым чэмпіёнам Украіны па футболе, і з 1991 па 2014 клуб выступаў ва Украінскай Прэм’ер-Лізе. У 2014 годзе ў сувязі з анексіяй Крыма спыніў сваё існаванне[1]. У 2016 годзе аднавіў існаванне і базаваўся ў горадзе Бэрыслаў і вёсцы Мар’янаўка Херсонскай вобласці[2]. У 2022 годзе клуб зноў прыпыніў дзейнасць у сувязі з расійскім уварваннем ва Украіну[3].