wd wp Пошук: ⬜

Уільям Хоўвард Стайн

У Вікіпедыі ёсць артыкулы пра іншых асоб з прозвішчам Стайн. Уільям Хоўвард Стайн, таксама Стэйн (англ.: William Howard Stein; 25 чэрвеня 1911, Нью-Ёрк — 2 лютага 1980, Нью-Ёрк) — амерыканскі біяхімік, член Нацыянальнай акадэміі навук ЗША і Амерыканскай акадэміі мастацтваў і навук.

Біяграфія

Скончыў Гарвардскі ўніверсітэт (1933), атрымаў ступень доктара філасофіі ў Медыцынскім і хірургічным каледжы Калумбійскага ўніверсітэта (1938). З 1938 года працуе ў Ракфелераўскім універсітэце (Нью-Ёрк), з 1955 года — прафесар біяхіміі. У 1968—1971 гадах быў рэдактарам часопіса Journal of Biological Chemistry.

Навуковая дзейнасць

Асноўныя працы па аналітычнай хіміі бялкоў і ферментаў. Распрацаваў колькасны метад вызначэння амінакіслот, заснаваны на іонаабменнай храматаграфіі, упершыню ўстанавіў (сумесна з іншымі) першасную структуру фермента рыбануклеазы, даследаваў будову актыўных цэнтраў ферментаў.

Нобелеўская прэмія

Нобелеўская прэмія па хіміі (1972, сумесна з С. Мурам і К. Анфінсенам).

Зноскі

1 2 William H. Stein // Encyclopædia Britannica Праверана 9 кастрычніка 2017.
1 2 William Howard Stein // SNAC — 2010. Праверана 9 кастрычніка 2017.
↑ NNDB — 2002.

Літаратура

Стайн (Стэйн) Уільям Хоўвард // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 130. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.