wd wp Пошук: ⬜

Уільям Рамзай

Сэр Уільям Рамзай, таксама Уільям Рэмзі[8] (англ.: Sir William Ramsay; 2 кастрычніка 1852, Глазга — 23 ліпеня 1916, Хай-Уікам) — англійскі хімік і фізік. Член Лонданскага каралеўскага таварыства (1888). Лаўрэат Нобелеўскай прэміі па хіміі (1904).

Біяграфічныя звесткі

Вучыўся ва ўніверсітэтах Глазга (1866—70), Гайдэльберга і Цюбінгена (доктар філасофіі; 1872). 3 1872 ва ўніверсітэце Глазга, з 1880 прафесар Брыстальскага, у 1887—1913 — Лонданскага ўніверсітэтаў.

Навуковая дзейнасць

Навуковыя працы па фізічнай, арганічнай і неарганічнай хіміі, гісторыі хіміі і фізікі. Адкрыў аргон (1894, разам з Дж. У. Рэлеем), неон, крыптон і ксенон (1898, разам з М. Траверсам). Вылучыў гелій з газаў клевіту (разнавіднасць уранавай смаляной руды; 1895). Вызначыў месца інертных газаў у перыадычнай сістэме хімічных элементаў (1900, адначасова з Дз. Мендзялеевым). Эксперыментальна назіраў самаадвольны радыеактыўны распад радыю і радону з утварэннем гелію (1903, разам з Ф. Содзі).

Зноскі

1 2 Sir William Ramsay // Encyclopædia Britannica Праверана 9 кастрычніка 2017.
1 2 William Ramsay // Brockhaus Enzyklopädie
1 2 Рамзай Уильям // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
1 2 3 Турынская акадэмія навук — 1757. Праверана 1 снежня 2020.
↑ Ramsay, Sir William // Encyclopædia Britannica: a dictionary of arts, sciences, literature and general information / H. Chisholm — 11 — New York, Cambridge, England: University Press, 1911. — Vol. 22.
↑ Ramsay, William (1852-1916) // (unspecified title) / пад рэд. Tübingen University Archives
1 2 Курилов В. В. Рамзай, Вильям // Энциклопедический словарь — СПб.: Брокгауз — Ефрон, 1899. — Т. XXVI. — С. 251–252.
↑ Варыянты напісання прозвішча Рамзай і Рэмзі ў адпаведнасці з БЭ ў 18 тамах. Т.13., Мн., 2001, С.301.