Усць-Ку́бінскі раён (руск.: Усть-Кубинский район) — адміністрацыйна-тэрытарыяльная адзінка цэнтральнай часткі Валагодскай вобласці Расіі. Адміністрацыйны цэнтр — вёска Усцье.
Усць-Кубінскі раён мяжуе з Хараўскім, Важагодскім, Валагодскім, Сокальскім і Кірылаўскім раёнамі. Плошча раёна — 2443,94 км². Праз раён працякае рака Кубена, яе імем і названы раён. На поўдні размешчана Кубенскае возера.
У 1545 годзе Усцье-Кубінскае наведаў маскоўскі цар Іван IV, у памяць пра гэта на набярэжнай ракі Кубены ўсталяваны памятны знак. Усць-Кубінскі раён утвораны 14 студзеня 1929 года паводле пастановы УЦВК.
Насельніцтва раёна станам на 2017 год складала 7843 чалавек.