Усевалад Глебавіч — князь ізяслаўскі (да 1159), стрэжаўскі (пасля 1159).
Сын менскага князя Глеба Усяславіча. У 1159 годзе (паводле В. М. Тацішчава, у 1158) з братамі Расціславам і Валадаром удзельнічаў у паходзе на Друцк супраць Рагвалода Барысавіча. Рагвалод Барысавіч, зноў стаўшы полацкім князем, у 1159 годзе пайшоў на Ізяслаўль, дзе сядзеў Усевалад Глебавіч, пасля непрацяглай аблогі Усевалад саступіў Рагвалоду горад, а на замену атрымаў Стрэжаў[1].