Уладзіслаў Генрык Францішак Абрагам (польск.: Władysław Henryk Franciszek Abraham; 10 кастрычніка 1860, Самбар — 15 кастрычніка 1941, Львоў) — польскі гісторык права і царквы. Член Польскай Акадэміі навук у Кракаве (1902 г.), доктар габілітаваны (1886 г.), прафесар звычайны (1890 г.).
Вучыўся ў Кракаўскім (1878—1883 гг.) і Берлінскім (1885 г.) універсітэтах. З 1886 г. выкладаў у Кракаўскім, у 1888—1939 гг. — у Львоўскім універсітэце (1890—1900 гг. яго рэктар), адначасова ў 1935—1939 гг. — у Каталіцкім універсітэце ў Любліне. Даследаваў усеагульнае і польскае кананічнае права, гісторыю царквы, дзяржаўнага і судовага ладу Польшчы і ВКЛ.