wd wp Пошук: ⬜

Уладзімір Сцяпанавіч Глушакоў

Уладзі́мір Сцяпа́навіч Глушако́ў (нар. 1952, Давыд-Гарадок, Брэсцкая вобласць) — беларускі пісьменнік [1].

Біяграфія

Нарадзіўся ў 1952 годзе[2] ў старажытным палескім мястэчку Давыд-Гарадок, там жа скончыў сярэднюю школу. Затым вучыўся ў Мар’інагорскім саўгасе-тэхнікуме, у Белдзяржуніверсітэце. Пасля службы ў арміі працаваў на Мінскім трактарным і маторным заводах.

Творчасць

У 1981 годзе скончыў Літаратурны інстытут імя Горкага ў Маскве. Працаваў у часопісе «Нёман», у «Беларускай думцы». Выдаў кнігі прозы «Насенне», «Тёплые листья тополей», «Цветение калины», «На круги своя», «Расплата» (1993), «Развітанне на пачатку вясны» (2001).

Прызнанне

Член Саюза пісьменнікаў Беларусі (Мінскае гарадское аддзяленне)[3].
Лаўрэат Дзяржаўнай прэміі Рэспублікі Беларусь у галіне літаратуры, мастацтва і архітэктуры (1998, у сааўтарстве) — за цыкл публіцыстычных артыкулаў «Беларусь. Час i людзi ў роздуме журналiстаў»

Зноскі

↑ Спадчына: Глушакоў Уладзімір Сцяпанавіч (нявызн.). Краязнаўства Берасцейшчыны. Праверана 2 кастрычніка 2021.
↑ Глушакоў, Уладзімір Сцяпанавіч(руск.) (недаступная спасылка). Электронный каталог ЦНБ НАН Беларуси. Архівавана з першакрыніцы 22 верасня 2021. Праверана 2 кастрычніка 2021.
↑ Минское городское отделение(руск.) . Союз писателей Беларуси. Архівавана з першакрыніцы 5 лістапада 2016. Праверана 2 кастрычніка 2021.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх