Уладзімір Міхайлавіч Карачэўскі (4 чэрвеня 1970, Крычаў) — беларускі дзяржаўны дзеяч, першы намеснік Міністра культуры Рэспублікі Беларусь (2010—2014), дырэктар Национальнай кінастудыі «Беларусьфільм» (з 2018).
Нарадзіўся 4 чэрвеня 1970 года ў Крычаве. У 1989 годзе скончыў Магілёўскае музычнае вучылішча імя Мікалая Рымскага-Корсакава, у 1999 годзе — Беларускі дзяржаўны ўніверсітэт культуры і мастацтваў, у 2011 годзе — Акадэмію кіравання пры Прэзідэнце Рэспублікі Беларусь.
Працаваў настаўнікам музыкі і спеваў, культарганізатарам, інструктарам па арганізацыйна-масавай рабоце. Займаў пасаду начальніка аддзела культуры адміністрацыі Савецкага раёна Мінска (2001—2008), начальніка ўпраўлення культуры Мінгарвыканкама (2008—2010).
З 8 чэрвеня 2010 года[2] па 2014 год працаваў першым намеснікам Міністра культуры Рэспублікі Беларусь. З мая 2014 года па 5 сакавіка 2018 года ўзначальваў Рэспубліканскі тэатр беларускай драматургіі.
5 сакавіка 2018 года прызначаны генеральным дырэктарам Национальнай кінастудыі «Беларусьфільм»[3].
Ад першага шлюбу мае дачку Жану (1992 г.н.)[4].
Другая жонка — Наталля Радзіна, вядучая тэлеканала АНТ[5]. Ад другога шлюбу мае сына Арцёма (2014 г.н.)[4].