Туруха́н (руск.: Туруха́н[1]) — рака ў Азіяцкай частцы Расіі, у Заходняй Сібіры, на тэрыторыі Туруханскага раёна Краснаярскага края, левы прыток Енісея.
Даўжыня ракі 639 км, плошча вадазбору — 35 800 км². Упадае ў Енісей на 10 км ніжэй па цячэнні ад яго правага прытоку Ніжняй Тунгускі, утвараючы дэльту Цячэ па Заходне-Сібірскай раўніне. Жыўленне пераважна снегавое і дажджавое, таксама ад падземных крыніц. Расход вады ў вусці складае 371 м³/с. Ледаход пасля Енісея ў маі — чэрвені, замярзае ў кастрычніку з утварэннем наледзяў да студзеня. Суднаходная ў ніжнім цячэнні на 270[1] км (288 км, ад вусця да сяла Янаў Стан[2]), летам мялее і робіцца нязручнай для суднаходства.