wd wp Пошук:
    ⬜

    Таццяна Мікалаеўна Караткевіч

    У Вікіпедыі ёсць артыкулы пра іншых асоб з прозвішчам Караткевіч.

    Таццяна Мікалаеўна Караткевіч (нар. 8 сакавіка 1977, Мінск) — беларускі палітык, псіхолаг, дырэктар сацыяльнай установы «Сямейная пляцоўка». Кандыдат у прэзідэнты Рэспублікі Беларусь (2015).

    Біяграфія

    Вырасла ў рабочай сям’і, скончыла сярэднюю школу № 62 г. Мінска. Выпускніца факультэта псіхалогіі Беларускага дзяржаўнага педагагічнага ўніверсітэта імя М. Танка. У 2012 годзе скончыла магістратуру БДУ, абаранялася па тэме развіцця сацыяльнай абароны людзей сталага ўзросту. Уваходзіла ў юнацкую зборную СССР па веласпорце.

    Працавала выкладчыцай псіхалогіі ў ДІКСТ БДУ і БДПУ імя М. Танка. Загадвала аддзяленнем сацыяльнай адаптацыі і рэабілітацыі Тэрытарыяльнага цэнтра сацыяльнага абслугоўвання Ленінскага раёна г. Мінска.

    Сябра БСДП «Грамада». У кампаніі «Гавары праўду» з мая 2010 года. На прэзідэнцкіх выбарах 2010 года была даверанай асобай кандыдата ў прэзідэнты Уладзіміра Някляева, у 2012 ― балатавалася ў Палату прадстаўнікоў па Кальварыйскай выбарчай акрузе Мінска.

    Кандыдат у прэзідэнты Беларусі на выбарах 2015 года. У ходзе выбарчай кампаніі прасоўвае ідэю мірных перамен кааліцыі «Народны рэферэндум», якая аб’ядноўвае грамадзянскую кампанію «Гавары праўду», Партыю БНФ, Беларускую сацыял-дэмакратычную партыю (Грамада) і рух «За Свабоду»[2]. Пазіцыяніравала сябе як адзіная дэмакратычная альтэрнатыва[3].

    Балатавалася ў Палату прадстаўнікоў на выбарах 2016 года. Аднак з яе акругі прайшла Ганна Канапацкая. Палітолаг Валерый Карбалевіч выказаў меркаванне, што Таццяне Караткевіч, якая набыла да гэтага часу пэўную вядомасць, папулярнасць, улады вырашылі не дадаваць больш палітычнай вагі[4].

    Выключана з БСДП у часе парламенцкай выбарчай кампаніі 2016 г. праз адсутнасць лаяльнасці да партыі.

    Сям’я

    Замужам, муж Віктар працуе аўтаслесарам, сын Елісей. З мужам Таццяна пазнаёмілася ў 2000 годзе ў Літве на адным з апазіцыйных з’ездаў[5].

    Зноскі

    1. ↑ (unspecified title) Праверана 1 студзеня 2022.
    2. ↑ Галоўная ідэя «Народнага рэферэндуму» ― вынесці на ўсенароднае абмеркаванне шэсць ключавых пытанняў, якія тычацца развіцця беларускага грамадства.
    3. ↑ Таццяна Караткевіч на рэгістрацыі кандыдатаў (нявызн.). Наша ніва, 10 верасня 2015.
    4. ↑ svaboda.org
    5. ↑ Елена Васильева. Наш округ. Татьяна Короткевич // Белорусская газета. — Мн.: 2012, 31 августа.

    Спасылкі

    Тэмы гэтай старонкі (18):
    Вікіпедыя:Артыкулы з пераазначэннем значэння з Вікідадзеных
    Нарадзіліся ў 1977 годзе
    Старонкі з няправільным сінтаксісам спасылак на крыніцы
    Жанчыны-палітыкі Беларусі
    Члены Беларускай сацыял-дэмакратычнай партыі (Грамада)
    Выкладчыкі БДПУ імя Максіма Танка
    Вікіпедыя:Артыкулы з непрацоўнымі спасылкамі
    Асобы
    Члены «Гавары праўду»
    Вікіпедыя:Біяграфіі сучаснікаў
    Вікіпедыя:Артыкулы з крыніцамі з Вікідадзеных
    Нарадзіліся ў Мінску
    Нарадзіліся 8 сакавіка
    Выпускнікі БДПУ імя Максіма Танка
    Вікіпедыя:Артыкулы пра асоб, для якіх не існуюць старонкі віду «І. Іпб. Прозвішча»
    Кандыдаты ў прэзідэнты Беларусі (2015)
    Вікіпедыя:Артыкулы пра асоб, для якіх не існуюць старонкі віду «І. Прозвішча»
    Палітыкі паводле алфавіта