Талалаеўка[1] ці Талалаіўка[2] (укр.: Талалаївка) — пасёлак гарадскога тыпу, раённы цэнтр Талалаіўскага раёна Чарнігаўскай вобласці Украіны. На заходняй ускраіне працякае рака Дзецюкоўка (прыток ракі Лысагор), на ўсходняй — Олава. У 1877 годзе ў сувязі з будаўніцтвам чыгуначнай станцыі ўзнікла паселішча. З 1933 года Талалаеўка — цэнтр аднайменнага раёна. З 1958 года Талалаеўка — пасёлак гарадскога тыпу.