wd wp Пошук: ⬜

Тадэвуш Урублеўскі

У Вікіпедыі ёсць артыкулы пра іншых асоб з прозвішчам Урублеўскі.

Тадэвуш Урублеўскі (польск.: Tadeusz Wróblewski, 8 лістапада 1858 — 7 ліпеня 1925) — польскі адвакат, грамадскі дзеяч.

Біяграфія

Нарадзіўся ў сям’і Яўстафія і Эміліі з Бянёўскіх, меў брата Аўгусціна [3]. Яго дзядзька Валерый Антоні Урублеўскі быў адным з лідараў Студзеньскага паўстання ў Літве, пазней — генерал Парыжскай Камуны.

Належаў да краёўцаў дэмакратычнага (або дэмакратычна-ліберальнага) кірунку, меў кантакты з дзеячамі літоўскага руху. Паводле літоўскага гісторыка Даруса Сталюнаса, у адвакацкай канторы Т. Урублеўскага з 1898 працаваў Ёнас Вілейшыс, адзін з прызнаных лідараў літоўскага руху. У 1904 Т. Урублеўскі абараняў на судзе іншага літоўскага дзеяча Павіласа Вішынскаса [4]. Т. Урублеўскі быў упэўнены, што «мір і згода запануюць у нашым краі, калі ўсе мы будзем імкнуцца да ўсталявання брацкіх і справядлівых адносінаў уласнымі сіламі, а не пры дапамозе паліцыі, судовых прысудаў і турмаў»[5]. Збіраў бібліятэку, якую потым перадаў гораду Вільні.

Зноскі

1 2 Bibliothèque nationale de France Tadeusz Stanisław Wróblewski // data.bnf.fr: платформа адкрытых даных — 2011.
1 2 выгрузка даных Freebase — Google.
↑ Paweł Chojnacki. Архіўная копія (нявызн.) (недаступная спасылка). Архівавана з першакрыніцы 12 лютага 2009. Праверана 16 кастрычніка 2011.
↑ Сталюнас Д. Гражданин Великого Княжества Литовского // Вильнюс = Vilnius. — 1989. — Март — апрель. С. 129
↑ Jurkiewicz J. Demokraci wileńścy w latach 1905—1914 (Zarys dzałalności i myśli politycznej) // Acta Baltico-Slavica. — XV. — 1983. S. 161

Літаратура

Смалянчук А. Паміж краёвасцю і нацыянальнай ідэяй. Польскі рух на беларускіх і літоўскіх землях. Гродна, 2001.
Абрамовіч Людвіг. Тадэвуш Урублеўскі // Наша Слова. № 38 (1501), 23 верасня 2020. // на pawet.net

Спасылкі

padrimariani.org Архівавана 25 сакавіка 2009.
Podlaska Digital Library Архівавана 14 красавіка 2016. at pbc.biaman.pl