Сінюхавыя[3] (Polemoniaceae) — сямейства раслін парадку Верасакветныя (Ericales). Сямейства налічвае прыкладна 25 родаў і 350 відаў. Большасць відаў расце ў Паўночнай Амерыцы, асобныя віды растуць у Еўразіі і Паўднёвай Амерыцы.
Травы аднагадовыя або шматгадовыя, рэдка паўкусты або лозы. Лісце чарговае або супратыўнае, сядзячае або на хвосціках, ад простага да складанага. Члены сямейства маюць 5 чашалісцікаў, 5 пялёсткаў, 5 тычынак. Плод — каробачка. Насенне шарападобнае, яйкападобнае або верацёнападобнае, часам крылатае, часта клейкае, калі вільготнае.