wd wp Пошук: ⬜

Сіндза Абэ

У Вікіпедыі ёсць артыкулы пра іншых асоб з прозвішчам Абэ. .mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}

Сіндза Абэ (21 верасня 1954, Токіа, Японія — 8 ліпеня 2022, Касіхара, Нара, Японія) — японскі дзяржаўны і палітычны дзеяч, Прэм’ер-міністр Японіі ў 2006—2007 гадах і 2012—2020 гадах, старшыня Ліберальна-дэмакратычнай партыі Японіі.

Біяграфія

Абэ — самы малады прэм’ер Японіі за ўсю гісторыю і першы японскі прэм’ер, які нарадзіўся пасля Другой сусветнай вайны. Ён паходзіць з вядомай у палітычным свеце сям’і. Яго дзед па матчынай лініі — Набусукэ Кісі, былы прэм’ер-міністр краіны. Яго бацька — Сінтара Абэ ў мінулым займаў пасаду міністра замежных спраў Японіі. У 1977 годзе Сіндза Абэ скончыў аддзяленне паліталогіі юрыдычнага факультэта універсітэта Сэйкэй. У гэтым жа годзе пачаў вывучаць англійскую мову, пасля чаго паступіў ва Універсітэт Паўднёвай Каліфорніі (ЗША). У 1979 годзе вярнуўся ў Японію, атрымаўшы працу ў сталеліцейнай кампаніі «Кобэ Стыл» і прапрацаваў там тры гады.

У 1982 годзе пачаў палітычную кар’еру, стаўшы сакратаром міністра замежных спраў (свайго бацькі, Сінтара Абэ). Член Ліберальна-дэмакратычнай партыі Японіі. З 1993 года Сіндза Абэ — дэпутат японскага парламента. З 2000 года ён працуе ва ўрадах Ёсіра Моры і Дзюн’іціра Каідзумі. З 2003 па 2004 гады ён быў генеральным сакратаром Ліберальна-дэмакратычнай партыі Японіі. 20 верасня 2006 г. змяніў Дзюн’іціра Каідзумі на пасадзе старшыні партыі, а 26 верасня зацверджаны парламентам на пасадзе прэм’ер-міністра.

Сіндза Абэ займаў пасаду Прэм’ер-міністра Японіі ў 2006—2007 і 2012—2020 гадах. Ён заставаўся на гэтай пасадзе даўжэй за ўсіх у гісторыі краіны. У 2020 годзе палітык сышоў у адстаўку, але заставаўся ўплывовай фігурай у кіроўнай Ліберальна-дэмакратычнай партыі Японіі.

8 ліпеня 2022 года ў горадзе Нара на Сіндза Абэ было здзейснена ўзброенае нападзенне. Палітык прыбыў сюды ў межах перадвыбарчай кампаніі і падчас яго выступлення быў смяротна паранены двума стрэламі. Былога прэм’ер-міністра даставілі ў лякарню Медыцынскага ўніверсітэта Нара з крывацёкам і ў несвядомым стане, і праз некалькі гадзін ён памёр[12].

Зноскі

↑ Abe Shinzo // Encyclopædia Britannica Праверана 9 кастрычніка 2017.
↑ Shinzō Abe // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag
↑ Tvegård A. Japans tidligere statsminister Shinzo Abe skutt og drept — 2022. Праверана 8 ліпеня 2022.
↑ Reuters: Japans tidligere statsminister Shinzo Abe er død // Aftenposten — Schibsted Norge, 1860. — ISSN 0804-3116; 0807-2027 Праверана 8 ліпеня 2022.
↑ 【速報】安倍元首相が死亡　搬送先の病院で確認　奈良市内で演説中に銃で撃たれて — 関西テレビ放送, 2022. Праверана 8 ліпеня 2022.
↑ 安倍晋三元首相死亡奈良県で演説中に銃で撃たれる — NHK, 2022. Праверана 8 ліпеня 2022.
↑ https://edition.cnn.com/asia/live-news/shinzo-abe-funeral-japan-07-12-22-intl-hnk/index.html — 2022.
↑ １３３４日、在任歴代３位 — 毎日新聞, 2016.
↑ 安倍政権は国民の支持がカギ—平沢勝栄氏インタビュー — JanJan, 2006. Праверана 26 верасня 2007.
↑ https://www.jimin.jp/member/100360.html
↑ https://www.sinseiren.org/ Праверана 1 ліпеня 2022.
↑ Former Japanese PM Abe Shinzo confirmed dead (англ.)

Спасылкі