Сіку́ня[1][2], Сікуна[2], Сікун[2] — рака ў Беларусі, у Смаргонскім раёне Гродзенскай вобласці, правы прыток ракі Ашмянка (басейн Віліі).
Даўжыня ракі 12 км. Плошча вадазбору 75 км². Сярэдні нахіл воднай паверхні 4,9 м/км. Выток ракі знаходзіцца ў напрамку на поўдзень ад аграгарадка Кушляны. Упадае ў Ашмянку каля аграгарадка Солы. Рэчышча каналізаванае ў верхнім цячэнні. Вадазбор на поўначы Ашмянскага ўзвышша. Асноўны прыток — Студзянец (правы). На рацэ і ў яе басейне маюцца сажалкі (вадасховішчы).