Сяргей Іванавіч Сідор

У Вікіпедыі ёсць артыкулы пра іншых асоб з прозвішчам Сідор. Сяргей Іванавіч Сідо́р[1] (25 мая 1937; в. Янаўшчына, Зэльвенскі раён — 17 ліпеня 1998) — беларускі географ, кандыдат гістарычных навук (1971)[2], доктар педагагічных навук (1991), прафесар (1992).

Біяграфія

Скончыў Ваўкавыскае педагагічнае вучылішча ў 1959 годзе[2], геаграфічны факультэт Беларускага дзяржаўнага ўніверсітэта ў 1964 годзе. З 1971 года ў Магілёўскім педагагічным інстытуце. З 1974 года ў Беларускім дзяржаўным універсітэце, адначасова з 1995 года намеснік рэдактара часопіса «Геаграфія: Праблемы выкладання».

Навуковая дзейнасць

Няма спасылак на крыніцы. Адсутнасць спасылак на крыніцы выклікае недавер да інфармацыі. Калі ласка, калі ведаеце крыніцы змешчанай у артыкуле інфармацыі, пазначце іх.

Навуковыя працы па эканамічнай геаграфіі Беларусі, методыцы выкладання геаграфіі. Адзін з ініцыятараў распрацоўкі новай канцэпцыі выкладання геаграфіі ў школах незалежнай Беларусі. Аўтар падручнікаў і вучэбных дапаможнікаў для школ і ВНУ.

Заклаў асновы сучаснай беларускай сацыяльна-эканамічнай геаграфіі. Стваральнік беларускага навуковага геаграфічнага тэзаўруса і тэрміналогіі. Актыўна адстойваў права сацыяльна-эканамічнай геаграфіі на існаванне, імкнуўся рабіць савецкую, а потым і беларускую, сацыяльна-эканамічную геаграфію канструктыўнай, лічыў мэтазгодным вывучэнне СЭГ і ў эканамічных ВНУ, выступаў супраць падмены СЭГ іншымі курсамі, па сутнасці тоеснымі ёй. Стваральнік першага ў незалежнай Беларусі паўнавартаснага падручніка па геаграфіі Беларусі, дзе ўсебакова ахарактарызавана краіна, забяспечыў адзінства геаграфіі ў рамках школьнага курсу. Карыстаўся заслужаным аўтарытэтам і павагай сярод выкладчыкаў, студэнтаў, настаўнікаў і вучняў за сумленнасць, сціпласць і прастату, працавітасць і высокае пачуццё абавязку, за імкненне ўдасканальваць і паляпшаць.

Працягваў справу, распачатую А. А. Смолічам у працы «Географія Беларусі» (1923), апісаў Беларусь у геаграфічным ракурсе («Геаграфія Беларусі. Энцыклапедычны даведнік», 1993; «Займальная геаграфія Беларусі», 1995, у сааўтарстве; «Геаграфія Беларусі ў пытаннях і адказах», 1998, у сааўтарстве).

Творы

• Социально-экономическая география СССР: наука и учебная дисциплина. — Мн.: Университетское, 1989.
• Тэорыя сацыяльна-эканамічай геаграфіі: Курс лекцый. — Мн.: БДУ, 2001 (у сааўтарстве).
• Геаграфічныя паняцці і тэрміны. — Мн.: Беларуская энцыклапедыя, 1993.
• Геаграфiя Беларусi: падручнік для 9 класа сярэдняй школы / Сяргей іванавіч Сiдор . — [б. м.] Народная асвета, 1995 .

Зноскі

1. ↑ БелЭн, 2002
2. 1 2 Сідор Сяргей Іванавіч, доктар педагагічных навук, кандыдат геаграфічных навук на сайце анлайн-энцыклапедыі «Беларусь у асобах і падзеях»

Літаратура

• Шаруха І. М. Сідор Сяргей Іванавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 370. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

• Сідор Сяргей Іванавіч, доктар педагагічных навук, кандыдат геаграфічных навук на сайце анлайн-энцыклапедыі «Беларусь у асобах і падзеях»
• Сідор Сяргей Іванавіч на сайце анлайн-энцыклапедыі «Беларусь у асобах і падзеях»
• Сідор Сяргей Іванавіч // Гісторыя БДУ
• Вучоныя Беларусі. Сідор, Сяргей Іванавіч (доктар педагагічных навук; кандыдат геаграфічных навук; 1937—1998) // Нацыянальная бібліятэка Беларусі