Судзукі Харунобу (яп. 鈴木春信, 1724, Эда — 1770) — японскі мастак, адзін з лепшых прадстаўнікоў жывапісу укіё-э, піянер каляровай гравюры (яп. 錦絵).
Сапраўднае імя мастака — Хадзумі Дзірабэй. Ён нарадзіўся ў Эда (сучасны Токіа), вывучаў жывапіс у школе Кано. Потым пад уплывам Сігэнага Нісімура і Торыі Кіёміцу захапіўся ксілаграфіяй. Уласны стыль у мастака сфармаваўся даволі позна, але за кароткі перыяд (каля 6 гадоў) ён стварыў больш за 800 работ і каля 20 ілюстраваных кніг.