Імаверна, старосты ў Жамойць прызначаліся і раней, але дакладна вядома пра гэта з часоў вялікага князя літоўскага Вітаўта. Пасля перадачы Жамойці (1 лютага 1411 г.) Тэўтонскім ордэнам пад уладу вялікіх князёў літоўскіх, прызначэнне старостаў у Жамойцкае староства стала рэгулярнай практыкай. У 1793 г. Жамойцкае староства пераўтворана ў Жамойцкае ваяводства, аднак, імаверна, ніхто не паспеў атрымаць урад жамойцкага ваяводы.