У Вікіпедыі ёсць артыкулы пра іншых асоб з прозвішчам Александровіч. Стані́слаў Александро́віч (польск.: Stanisław Aleksandrowicz; 5 красавіка 1931, Вільня — 2015) — польскі гісторык. Доктар гуманітарных навук (1976).
Скончыў у 1955 годзе Пазнаньскі ўніверсітэт імя А. Міцкевіча, працаваў у ім выкладчыкам гісторыі СССР. Прафесар Торуньскага ўніверсітэта і Беластоцкага філіялу Варшаўскага ўніверсітэта.
Аўтар прац па гісторыі мястэчак, рамяства, гандлю на Беларусі і ў Літве XVI—XVII ст. Даследуе гісторыю картаграфіі Польшчы, Беларусі, Літвы і Маскоўскай дзяржавы XV—XVIII ст.