«Становішча рэчаў» (ням.: Der Stand der Dinge) — мастацкі фільм Віма Вендэрса, які выйшаў на экраны ў 1982 годзе[6].
Прэм’ера карціны адбылася 4 верасня 1982 года[7] ў межах конкурснай праграмы 39-га Венецыянскага кінафестывалю[en], дзе была ўдастоена галоўнай узнагароды — Залатога венецыянскага льва[8].
Нямецкі рэжысёр Фрыдрых Мунро на грошы амерыканскага прадзюсара здымае ў Партугаліі свой адзінаццаты фільм пад назвай «Выжылыя». Пакуль Мунро тэарэтызуе на тэму суадносінаў формы і зместу, выявы і сюжэту, здымкі дасягаюць сваёй крытычнай стадыі — заканчваецца плёнка, а новую прадзюсар не дасылае. Мунро на час вырашае адмовіцца ад рэфлексіі і перайсці да дзеяння…
Паводле інфармацыі сайта «Internet Movie Database» фільм быў адзначаны 4 кінаўзнагародамі і яшчэ 1 намінацыяй[8].