Спла́вень, Трасцянец — рака ў Хоцімскім раёне Магілёўскай вобласці Беларусі, левы прыток ракі Беседзь (басейн ракі Сож).
Даўжыня ракі 15 км. Плошча вадазбору 100 км². Сярэдні нахіл воднай паверхні 1,4 м/км. Пачынаецца з меліярацыйнага канала прыкладна за 1 км у напрамку на поўнач ад вёскі Горня, упадае ў Беседзь прыкладна за 3,5 км на поўдзень ад вёскі Янаполле. Рэчышча каналізаванае амаль цалкам.