Спаржа
Спаржа[3][4], аспарагус[4] (Aspáragus) — род раслін сямейства Спаржавыя (Asparagaceae). Вядома да 100 (каля 300[4]) відаў, рассеяных па ўсім свеце, пераважна ў сухім клімаце. Найбольш распаўсюджаны від Спаржа лекавая (Asparagus officinalis).
Апісанне
Адны віды спаржы — травы, іншыя — паўкусты, якія развіваюць падземнае карэнішча і надземнае больш ці менш галінастае сцябло вышынёй 50—300[4] см, у шматлікіх відаў паўзучае. Відазмененыя парасткі (кладодыі) іголкападобныя або вузкалінейныя, адзіночныя або ў пучках. Лісце відазменена ў лускавінкі. Кветкі раздзельнаполыя, дробныя, жаўтавата-зялёнага колеру. Плод — чырвоная ягада.
Выкарыстанне
Харчовыя, меданосныя і дэкаратыўныя расліны. Верхнія часткі маладых парасткаў спаржы (каля 20 см даўжынёй) выкарыстоўваюцца ў кулінарыі як дэлікатэс. У аранжарэях і пакоях пад назвай аспарагус вырошчваецца спаржа перыстая (Asparagus plumosus), спаржа серпападобная (Asparagus falcatus), спаржа Шпрэнгера (Asparagus sprengeri) і інш.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
- ↑ Киселевский А. И. Латино-русско-белорусский ботанический словарь. — Минск: «Наука и техника», 1967. — С. 20. — 160 с. — 2 350 экз.
- 1 2 3 4 БелЭн, 2002
Літаратура
- Скуратовіч А. М. Спаржа // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 98. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.
Катэгорыя·Флора Еўразіі
Катэгорыя·Вікіпедыя·Спасылкі на Беларускую энцыклапедыю з аўтарам
Катэгорыя·Расліны паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Спасылкі на Беларускую энцыклапедыю з назвай артыкула
Катэгорыя·Спаржавыя
Катэгорыя·Вікіпедыя·Спасылкі на Беларускую энцыклапедыю з нумарамі старонак