Сня́дзінскі сельсавет — былая адміністрацыйна-тэрытарыяльная адзінка ў складзе Петрыкаўскага раёна Гомельскай вобласці. Цэнтр — вёска Снядзін.
Створаны 20 жніўня 1924 года ў складзе Петрыкаўскага раёна Мазырскай акругі БССР. Цэнтр — вёска Снядзінь. Пасля скасавання акруговай сістэмы 26 ліпеня 1930 года ў Петрыкаўскім раёне БССР. З 21 чэрвеня 1935 года ў Петрыкаўскім раёне Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. 5 сакавіка 1981 года цэнтр сельсавета перайменаваны ў Снядзін. 26 верасня 2006 года скасаваны, тэрыторыя далучана да Галубіцкага сельсавета[1].
На момант скасавання ў склад сельсавета ўваходзілі 5 вёсак: Белін, Мардзвін, Снядзін, Судзібар і Таргашын.