wd wp Пошук:
    ⬜

    Славамір Мрожак

    Славамір Мрожак (польск.: Sławomir Mrożek; 29 чэрвеня 1930, Бажэнцін, Польшча — 15 жніўня 2013, Ніца) — польскі празаік, драматург, мастак-карыкатурыст.

    Біяграфія

    Вывучаў архітэктуру і выяўленчае мастацтва ў Ягелонскім універсітэце ў Кракаве. У 1950 годзе паспяхова дэбютаваў як празаік і адначасова як карыкатурыст. Аднак сусветную вядомасць яму прынесла драматургія. Першы драматычны твор — п’еса «Паліцыя», выдадзеная ў 1958 годзе. П’еса «Танга» (1964) прынесла Мрожаку сусветную славу.

    У 1962 становіцца адным з чатырох першых лаўрэатаў літаратурнай прэміі імя Касцельскіх. У 1963 эмігрыруе з Польшчы, жыве ў ЗША, Германіі, Францыі, Італіі і Мексіцы. У 1968 публікуе ў французскай прэсе ліст пратэсту супраць уводу войскаў Варшаўскага Дагавору ў Чэхаславакію. У 1996 годзе вяртаецца на радзіму. У 2002 годзе перажыў інсульт, што прывяло да страты маўлення. З дапамогай тэрапіі, якая працягвалася каля трох гадоў, вярнуў сабе здольнасць пісаць і размаўляць. У 2008 выехаў з Польшчы ў Францыю, апошнія гады жыве ў Ніцы.

    Творчасць

    Дэбютаваў Славамір Мрожак у 1950 годзе фельетонамі і гумарэскамі (зборнік «Практычныя паўбраневікі», 1953). Аўтар аповесцей «Маленькае лета» (1956), «Маніза Клаўе» (1963), зборнікаў апавяданняў «Слон» (1957), «Дождж» (1962), «Два лісты» (1974), «Малая проза» (1990), цыклаў сатырычных малюнкаў і інш. Вядомасць прынеслі гратэскава-сатырычныя і парадыйныя п’есы (зборнікі «Пехатой», 1983; «Танга. Вада», 1984), у якіх узнімае праблемы мастацтва і рэчаіснасці, абсурднасці існавання. Яго творы адметнью фантасмагарычнасцю і прытчавасцю, насычаны сімволікай.

    Як адзначыў тэатразнаўца і перакладчык Вячаслаў Ракіцкі, галоўнай тэмай у яго творчасці было ўварванне ўлады ў асабістую прастору чалавека:

    Мрожак наблізіў камуністычны тэатр да сусветных стандартаў, гэта быў сапраўдны прарыў[4].

    Выбраныя творы

    П’есы

    Зборнікі апавяданняў

    Пераклады на беларускую мову

    Зноскі

    1. 1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118737244 // Агульны нарматыўны кантроль — 2012—2016. Праверана 9 красавіка 2014.
    2. 1 2 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
    3. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118737244 // Агульны нарматыўны кантроль — 2012—2016. Праверана 30 снежня 2014.
    4. ↑ nashaniva.by

    Літаратура

    Тэмы гэтай старонкі (21):
    Вікіпедыя:Артыкулы з пераазначэннем значэння з Вікідадзеных
    Пісьменнікі паводле алфавіта
    Вікіпедыя:Спасылкі на Беларускую энцыклапедыю без нумароў старонак
    Члены ПАРП
    Памерлі ў Ніцы
    Памерлі 15 жніўня
    Вікіпедыя:Спасылкі на Беларускую энцыклапедыю без назвы артыкула
    Нарадзіліся ў Малапольскім ваяводстве
    Нарадзіліся 29 чэрвеня
    Пісьменнікі Польшчы
    Памерлі ў 2013 годзе
    Вікіпедыя:Спасылкі на Беларускую энцыклапедыю без аўтара
    Кавалеры ордэна Ганаровага легіёна
    Драматургі Польшчы
    Нарадзіліся ў 1930 годзе
    Польскамоўныя пісьменнікі
    Камандоры з зоркай ордэна Адраджэння Польшчы
    Кавалеры Вялікага крыжа ордэна Адраджэння Польшчы
    Вікіпедыя:Артыкулы з крыніцамі з Вікідадзеных
    Пахаваныя ў Польшчы
    Асобы