wd wp Пошук: ⬜

Сейрыяй

Сейры́яй[1] (літ.: Seirijai, традыцыйнаяя беларуская назва — Сярэя[2]) — мястэчка ў Лаздзіяйскім раёне Алітускага павета Літвы. Цэнтр Сейрыяйскай сянюніі. Размешчана за 20 км на ўсход ад Лаздзіяя. Насельніцтва на 2011 год — 788 чалавек.

Гісторыя

Вялікае Княства Літоўскае

Упершыню Сярэя ўпамінаецца ў XVI ст. У гэты час яна ўваходзіла ў склад Троцкага павета Троцкага ваяводства.

У 1537 годзе ў Сярэі збудавалі касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Сярэя апынулася ў складзе Прусіі, у 1807 годзе згодна з Тыльзіцкім мірным дагаворам — у складзе Расійскай імперыі, у Сейненскім павеце Сувалкаўскай губерні.

На 1827 год у Сярэі было 279 будынкаў, на 1880 год — 215.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Сярэя апынулася ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: 1827 год — 1909 чал.; 1880 год — 1094 чал.[3]
• XXI стагоддзе: 2011 год — 788 чал.

Славутасці

• Касцёл Маці Божай Шкаплернай (1584)

Страчаная спадчына

• Сінагога (XIX ст.)

Вядомыя асобы

• Антанас Жмуйдзінавічус (1876—1996) — літоўскі мастак-жывапісец. Народны мастак СССР.
• Якаў Робінсан[ru] (1889—1977) — юрыст, спецыяліст па міжнародным праве, публіцыст.
• Бронюс Казіс Балуціс[lt] (1880—1967) — літоўскі дыпламат.

У мястэчку памёр савецкі літоўскі дзяржаўны і партыйны дзеяч, дыпламат Казіс Прэйкшас[ru] (1903—1961).

Зноскі

1. ↑ Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»
2. ↑ Вялікі гістарычны атлас Беларусі : у 3 т. / Дзяржаўны камітэт па маёмасці Рэспублікі Беларусь, Рэспубліканскае унітарнае прадпрыемства «Белкартаграфія»; рэдкалегія: В. Л. Насевіч (галоўны рэдактар) [і інш.]. — Т. 2 / [складзены і падрыхтаваны да друку ў 2012 г. ; спецыяльны змест распрацавалі: Я. К. Анішчанка і інш.] — 2013 — 1 атлас (347, [4] с.) : каляр., карты, тэкст, іл., паказальнік — ISBN 978-985-508-245-4. С. 87.
3. ↑ Chlebowski B. Sereje // Słownik geograficzny… T. X. — Warszawa, 1889. S. 442.

Спасылкі

• На Вікісховішчы ёсць медыяфайлы па тэме Сейрыяй
• Сярэі на сайце Radzima.org

Тэмы гэтай старонкі (6):
Катэгорыя·Сейрыяйская сянюнія
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Населеныя пункты паводле алфавіта
Катэгорыя·Населеныя пункты Лаздзіяйскага раёна
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Мястэчкі Літвы