Сеза́рыя Э́вара (парт.: Cesária Évora; 27 жніўня 1941, Міндэлу — 17 снежня 2011, Сан-Вісентэ; па мянушцы «басаногая дзіва») — спявачка з астравоў Зялёнага Мыса, выканаўца морны, фаду і мадыньі.
Спявала на кабавердыйскай крэольскай — дыялекце партугальскай мовы. Акустычнае апраўленне голасу складалі раяль, гавайская гітара, акардэон, скрыпкі і кларнет.
На сцэну Эвара нязменна выходзіла басанож — гэта сімвалічная даніна беднаты, у якой жылі (і працягваюць жыць) яе землякі на Астравах Зялёнага Мыса. Сезарыя хадзіла басанож і ў жыцці, ужо вельмі шмат гадоў. Яна абувалася толькі ў сандалі падчас паездак па краінам з умераным кліматам[6].
У сваёй краіне спявачка фінансавала ўсю сістэму пачатковай школьнай адукацыі.