Светлаград (руск.: Светлоград) — горад (з 1965 года) у Расіі, адміністрацыйны цэнтр Пятроўскага раёна Стаўрапольскага края. Насельніцтва 39,4 тыс. чалавек (2007). Заснаваны ў 1750 годзе.
Горад размешчаны за 90 км на паўночны ўсход ад Стаўрапаля. Размешчаны ў Перадкаўказзі, на Стаўрапольскім ўзвышшы, на р. Калаўс (прыток Усходняга Маныча). Вузел чыгуначных ліній і аўтамабільных дарог. Чыгуначная станцыя на галінцы Стаўрапаль — Будзёнаўск, пачатак галінкі на Элісту.
Тэкстыльна-галантарэйная фабрыка, элеватар, харчовая прамысловасць, вытворчасць будматэрыялаў, прадпрыемствы чыгуначнага транспарта.