wd wp Пошук: ⬜

Сатанінскі грыб

Сатанінскі грыб[1] (Boletus satanas) — ядавіты грыб з роду Баравік (Boletus) сямейства Балетавыя (Boletaceae). Неядомы.

Пашыраны ў Заходняй Еўропе, Паўночнай Амерыцы, на Каўказе. Трапляецца ў лісцевых лясах у ліпені—верасні. Утварае мікарызу з дубам, букам, грабам.

Апісанне

Пладовае цела грыба — шапка на ножцы. Шапка дыяметрам 8—20 см (да 30 см[2]) і таўшчынёй да 5 см. Зверху шапака бугрыстая, светла-шэрага, белаватага, аліўкава-шэрага колеру. Трубчасты слой складаецца з доўгіх, амаль свабодных трубачак, жоўта-аліўкавага колеру, з дробнымі цёмна-чырвонымі порамі. Ножка даўжынёй 6—8 см і таўшчынёй да 6 см, звужаная ўнізе і ўздутая ў сярэдняй частцы. На паверхні ножкі сеткавы малюнак цёмна-чырвонага колеру. Ніжняя частка ножкі чырвоная. Мякаць грыба белая, з пахам сырой бульбы, салодкая на смак. На зломе сінее або чырванее.

Зноскі

↑ Сатанінскі грыб ў адпаведнасці з БЭ ў 18 тамах., Т.14. Мн., 2002, С.192-193
↑ Сатанинский гриб Архівавана 10 мая 2012. // Научно-Образовательный портал «Вся Биология» (руск.)

Літаратура

Сатанінскі грыб // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 192. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
Сатанинский гриб // Лесная энциклопедия: В 2-х т. / Ред. кол.: Г. И. Воробьёв (гл. ред.) и др.. — М.: Сов. энциклопедия, 1986. — Т. 2: Лимонник — Ящерицы. — С. 338—339. — 631 с. — 100 900 экз. (руск.)

Спасылкі

Сатанинский гриб (руск.) — артыкул з Вялікай савецкай энцыклапедыі
Сатанинский гриб Архівавана 10 мая 2012. // Научно-образовательный портал «Вся Биология» (руск.)