У Вікіпедыі ёсць артыкулы пра іншых асоб з прозвішчам Касцюк.
Самуі́л Сямё́навіч Касцю́к — беларускі савецкі гаспадарчы, дзяржаўны і палітычны дзеяч.
Нарадзіўся ў 1907 годзе ў вёсцы Русінавічы. Член УКП(б) з 1928 года. Скончыў біялагічны факультэт Беларускага дзяржаўнага універсітэта (1960).
З 1928 года — на гаспадарчай, грамадскай і палітычнай працы. У 1928—1936 гадах — на дзяржаўнай і гаспадарчай рабоце ў Барысаўскім раёне.
У 1936—1940 гадах — старшыня Кіраўскага райвыканкама, 1-ы сакратар Кіраўскага раённага камітэтаКП(б) Беларусі.
У 1940—1941 гадах — 2-гі сакратар Беластоцкага абласнога камітэта КП(б) Беларусі, намеснік народнага камісара меліярацыі Беларускай ССР.
У 1942—1945 гадах — кіраўнік справамі СНК Беларускай ССР.
З 1944 па 1947 год — міністр харчовай прамысловасці Беларускай ССР.
На працягу дзесяці гадоў, з 1947 па 1957 год, — міністр сельскай гаспадаркі Беларускай ССР.
У 1957—1959 — 1-ы намеснік міністра сельскай гаспадаркі Беларускай ССР, пасля да 1961 года намеснік міністра хлебапрадуктаў Беларускай ССР.
Член ЦК КПБ у 1949—1960 гадах, абіраўся дэпутатам Вярхоўнага Савета СССР 3-га і 4-га скліканняў.