Саюзна-рэспубліканскае Міністэ́рства хлебапраду́ктаў Беларускай ССР было ўтворана ў 1956 годзе[1]. У 1961 годзе на яго базе ўтворана рэспубліканскае Міністэрства нарыхтовак БССР, якое ў 1962 годзе пераўтварана ў рэспубліканскае Міністэрства вытворчасці і нарыхтовак сельскагаспадарчых прадуктаў.
У 1965 годзе было скасавана, яго функцыі перайшлі да саюзна-рэспубліканскага Міністэрства сельскай гаспадаркі БССР. У тым жа годзе ўтвораны Дзяржаўны камітэт СМ БССР па хлебапрадуктам і камбікормавай прамысловасці.
З 1969 года Дзяржкамітэт быў зноў пераўтвораны ў Міністэрства хлебапрадуктаў БССР, затым у тым жа годзе — у Міністэрства нарыхтовак БССР. З 1985 года зноў Міністэрства хлебапрадуктаў БССР.