Салонаўка — рака ў Гарадоцкім раёне Віцебскай вобласці Беларусі, левы прыток ракі Аўсянка (басейн Заходняй Дзвіны).
Даўжыня ракі 11 км. Плошча вадазбору 52 км². Сярэдні нахіл воднай паверхні 1,3 м/км. Пачынаецца каля вёскі Капасы, упадае ў возера Вышадскае за 3 км у напрамку на паўднёвы ўсход ад вёскі Вышадкі. Вадазбор у межах Гарадоцкага ўзвышша. У малаводныя гады рака перасыхае ў вярхоўі. Рэчышча часткова каналізаванае. Рака прымае сцёк з меліярацыйных каналаў.