Ры́у-Не́гру[1] (парт.: Rio Negro, ісп.: Río Negro) — рака ў Паўднёвай Амерыцы, пераважна ў Бразіліі, таксама ў Венесуэле і Калумбіі. Левы прыток Амазонкі.
Даўжыня ракі 2 300 км. Плошча вадазбору 691 тыс. км². Сярэднегадавы расход вады ў вусці 29,3 тыс. м³/сек. Рака бярэ пачатак на тэрыторыі Калумбіі, у заходняй частцы Гвіянскага пласкагор’я пад назвай Гуайнія, упадае ў Амазонку каля горада Манаус. Самы буйны прыток — рака Рыу-Бранку (злева)[1].