У гэтага паняцця ёсць і іншыя значэнні, гл. Рыу-Бранку (значэнні).
Ры́у-Бра́нку[1] (парт.: Rio Branco — «белая рака») — рака ў Бразіліі, левы прыток ракі Рыу-Негру (басейн Амазонкі).
Даўжыня ракі 775[2] км (ад вытоку ракі Урарыкуэра — 1300 км[1]). Плошча вадазбору каля 195 000[1] км². Сярэдні расход вады каля 5400 м³/с. Аб’ём гадавога сцёку 170 км³. Вытокі Рыу-Бранку знаходзяцца на схілах гор Сера-Парыма і Сера-Пакарайма[2]. Утвараецца зліццём рэк Урарыкуэра і Такуту. Працякае па Гвіянскаму нагор’ю і Амазонскай нізіне. Паводкі адбываюцца ў летні перыяд.
Асноўныя прытокі: Катрымані, Шэрыўйны (правыя); Анауа, Тапера (левыя)[2].
Рака суднаходная да горада Каракараі, у час высокай вады — да Боа-Віста[1].