У Вікіпедыі ёсць артыкулы пра іншых асоб з прозвішчам Эстлунд.
Клас Оле Рубен Эстлунд (шведск.: Claes Olle Ruben Östlund, нар. 13 красавіка 1974) — шведскі кінарэжысёр і сцэнарыст, двухразовы лаўрэат «Залатой пальмавай галіны» Канскага кінафестывалю.
Нарадзіўся 13 красавіка 1974 года на востраве Сцюрсё ў Гётэборгскай камуне. Пасля заканчэння сярэдняй школы працаваў на лыжных курортах у Альпах падчас зімовых сезонаў, дзе і пачаў здымаць экстрэмальныя трукі сваіх сяброў-лыжнікаў. Кароткія спартыўныя відэа прыцягнулі ўвагу, і Рубен неўзабаве атрымаў працу ў прадзюсарскай кампаніі. У 1993—1998 гадах здымаў невялікія фільмы пра лыжнікаў на працягу зімовых сезонаў у італьянскіх Альпах, Канадзе і Валь д’Ізэр. У 2001 годзе скончыў Школу фатаграфіі і кіно ва Універсітэце Гётэборга. У 2002 годзе разам з Эрыкам Хемендорфам стаў заснавальнікам прадзюсарскай кампаніі «Plattform Produktion», якая ў далейшым прадзюсіравала яго фільмы. У 2004 годзе зняў па ўласным сцэнарыі свой першы поўнаметражны мастацкі фільм «Гітара-мангалоід».
Год | Беларуская назва | Арыгінальная назва | Роля | |
---|---|---|---|---|
ф | Гітара-мангалоід[en] | Gitarrmongot | рэжысёр, сцэнарыст | |
ф | Добраахвотна-прымусова[en] | De ofrivilliga | рэжысёр, сцэнарыст, мантажор | |
ф | Гульня[en] | Play | рэжысёр, сцэнарыст, мантажор | |
ф | Турыст[en] | Turist | рэжысёр, сцэнарыст, мантажор | |
ф | Квадрат | Square | рэжысёр, сцэнарыст, мантажор | |
ф | Трыкутнік смутку | Triangle of Sadness | рэжысёр, сцэнарыст, мантажор |