wd wp Пошук: ⬜

Роджэр Уолкат Сперы

Роджэр Уолкат Сперы (англ.: Roger Wolcott Sperry, 20 жніўня 1913, Хартфард, Канектыкут, ЗША — 17 красавіка 1994, Пасадэна, Каліфорнія, ЗША) — нейрапсіхолаг, прафесар псіхабіялогіі, які атрымаў у 1981 годзе разам з Дэвідам Х’юбелам і Торстэнам Візелем Нобелеўскую прэмію па фізіялогіі і медыцыне «за адкрыцці, якія датычацца функцыянальнай спецыялізацыі паўшар’яў галаўнога мозгу»[6][7][8][9][10].

Біяграфія

Сперы нарадзіўся ў горадзе Хартфард, штат Канектыкут у сям’і Фрэнсіса Бушнэла і Фларэнцыі Крэмер Сперы. Яго бацька працаваў у банкаўскай сферы, а яго маці выкладала ў бізнес-школе. Яго сям’я належала да вярхушкі сярэдняга класа, дзе асаблівая ўвага надавалася паспяховасці[11]. У Роджэра быў адзін брат, Расэл Луміс. Іх бацька памёр, калі Роджэру было 11 гадоў. Пасля гэтага яго маці стала памочнікам дырэктара ў мясцовай сярэдняй школе.

У 1937 годзе Сперы скончыў Оберлін-каледж. Атрымаў ступень доктара філасофіі ў галіне заалогіі ў Чыкагскім універсітэце ў 1941 годзе. Пасля гэтага ён займаўся даследаваннямі разам з Карлам Лэшлі ў Гарвардзе.

У 1949 годзе Сперы ажаніўся з Нормай Гэй Дэўпры. У іх нарадзіліся сын, Глен Майкл, і дачка, Джанэт Хоўп[12].

У 1954 годзе Сперы заняў месца прафесара ў Каліфарнійскім тэхналагічным інстытуце, дзе правёў найбольш вядомыя з сваіх эксперыментаў.

Аўтар навуковых прац па нейрафізіялогіі зроку, функцыянальнай спецыялізацыі паўшар’яў галаўнога мозга чалавека.

Член Нацыянальнай акадэміі навук ЗША (1960), Амерыканскай акадэміі мастацтваў і навук (1963), Лонданскага каралеўскага таварыства, Папскай акадэміі, замежны член Расійскай АН (1988).

Узнагароды

1973 — Прэмія Пасана (Passano Award)
1979 — Прэмія Вольфа па медыцыне
1979 — Прэмія Альберта Ласкера за фундаментальныя медыцынскія даследаванні
1981 — Нобелеўская прэмія па фізіялогіі і медыцыне

Зноскі

1 2 Roger Wolcott Sperry // Encyclopædia Britannica Праверана 9 кастрычніка 2017.
1 2 Roger Wolcott Sperry // SNAC — 2010. Праверана 9 кастрычніка 2017.
↑ geni.com — 2006. — 175000000 экз.
↑ http://www.pas.va/content/accademia/en/academicians/deceased/sperry.html
↑ NNDB — 2002.
↑ Voneida, T. J. (1997). «Roger Wolcott Sperry. 20 August 1913—17 April 1994: Elected For.Mem.R.S. 1976». Biographical Memoirs of Fellows of the Royal Society 43: 463. doi:10.1098/rsbm.1997.0025
↑ Miller, J. G. (1994). «Roger Wolcott Sperry. Born August 20, 1913–died April 17, 1994». Behavioral science 39 (4): 265—267. PMID 7980367
↑ Trevarthen, C. (1994). «Roger W. Sperry (1913—1994)». Trends in Neurosciences 17 (10): 402—404. doi:10.1016/0166-2236(94)90012-4
↑ Hubel, D. (1994). «Roger W. Sperry (1913—1994)». Nature 369 (6477): 186. doi:10.1038/369186a0. PMID 8183336
↑ Bogen, J. E. (1999). «Roger Wolcott Sperry (20 August 1913-17 April 1994)». Proceedings of the American Philosophical Society 143 (3): 491—500. PMID 11624452
↑ Antonio E. Puente, «Roger Wolcott Sperry (1913—1994)», American Psychologist, 1995
↑ Puente, Antonio (November 1995). American Psychologist. Obituaries.

Літаратура

Сперы Роджэр Уолкат // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 110. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі

Сайт пра Роджэра Сперы Архівавана 8 лістапада 2005.
Аўтабіяграфія Роджэра Сперы на сайце Нобелеўскага камітэта (англ.)
Профіль Роджэра Уолката Сперы на афіцыйным сайце РАН
Некралог у The National Academies Press Архівавана 9 мая 2013.