Рафаіл Фёдаравіч Габасаў (нар. 17 снежня 1935, Магнітагорск, РСФСР — 8 мая 2020) — беларускі матэматык, доктар фізіка-матэматычных навук (1970, Матэматычныя пытанні аптымізацыі сістэм кіравання), прафесар (1971).
Скончыў Уральскі політэхнічны інстытут (1957). З 1967 года працаваў у БДУ. Навуковыя працы прысвечаны якаснай тэорыі аптымальнага кіравання, метадам аптымізацыі. Распрацаваў канструктыўныя метады развязання экстрэмальных задач, пабудаваў пазіцыйныя развязкі задач аптымальнага кіравання ва ўмовах нявызначанасці.