Магнітагорск (руск.: Магнитогорск) — горад (з 1931) у Расіі, у Чалябінскай вобласці. Насельніцтва 414 407 чалавек (2015). Заснаваны ў 1929 годзе ў сувязі з будаўніцтвам металургічнага камбіната.
Горад размешчаны каля падножжа гары Магнітнай, на ўсходнім схіле Паўднёвага Урала, па абодвух берагах ракі Урал (правы бераг у Еўропе, левы — у Азіі). З’яўляецца адным з міравых цэнтраў чорнай металургіі. Металургічны камбінат, завод металічных вырабаў і калібравальны завод.