У Вікіпедыі ёсць артыкулы пра іншых асоб з прозвішчам Платонаў. Расціслаў Пятровіч Платонаў (15 красавіка 1930, Слуцк — 19 лістапада 2001, Мінск) — беларускі гісторык, археограф, публіцыст. Доктар гістарычных навук (1982), прафесар (1984).
У 1955—1958 працаваў у Клецку — адказным сакратаром раённай газеты «Да новых перамог», 1-м сакратаром райкама камсамола. Навуковая дзейнасць пачалася публікацыяй пра Шчэпіцкае падполле. Пасля сканчэння аспірантуры выкладаў у шэрагу ВНУ, быў сакратаром Мінскага абкама КПБ, дырэктарам Інстытута гісторыі партыі. Пасля 1991 года ўзначаліў НДІ дакументазнаўства і архіўнай справы. Займаўся вывучэннем Вялікай Айчыннай вайны, лёсам рэпрэсіраваных у 1930-1950-я гады.