Рамо́нскі раён (руск.: Рамонский район) — адміністрацыйна-тэрытарыяльная адзінка на поўначы Варонежскай вобласці Расіі. Адміністрацыйны цэнтр — рабочы пасёлак Рамонь.
Рамонскі раён мяжуе з Наваусманскім і Семілуцкім раёнамі, а таксама з Ліпецкай вобласцю і Варонежам. Плошча раёна складае 1300 км².
Рамонскі раён быў утвораны 30 ліпеня 1928 года ў складзе Цэнтральна-Чарназёмнай вобласці РСФСР. Пасля яе падзелу ў 1934 годзе раён застаўся ў складзе Варонежскай вобласці.