Рак лёгкіх — утварэнне ракавай пухліны на эпітэліі слізістай лёгкага. Штогод ад хваробы памірае 1,2 млн чалавек у свеце[2].
Хваробе спрыяе тытунепаленне, у тым ліку пасіўнае, уздзеянне азбесту, мыш’яку і радону, абпраменьванне і сухоты.
Дыягнаставаць рак лёгкіх на ранніх стадыях цяжка[3]. Хвароба выяўляецца праз пастаянны кашаль, кроў у макроці, бранхіт, боль у грудзях і зваротную пнеўманію[4].