Ра́душскі сельсавет — былая адміністрацыйна-тэрытарыяльная адзінка ў складзе Жлобінскага раёна Гомельскай вобласці Беларусі. Цэнтр — вёска Радуша.
Утвораны 20 жніўня 1924 года ў складзе Жлобінскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Жлобінскім раёне БССР. З 20 лютага 1938 года ў складзе Гомельскай вобласці. 16 ліпеня 1954 года ў склад сельсавета з Кароткавіцкага сельсавета Стрэшынскага раёна перададзена вёска Забалоцце[1], якая 16 мая 1957 года вернута ў склад Кароткавіцкага сельсавета[2]. 21 верасня 1992 года скасаваны, тэрыторыя далучана да Краснабярэжскага сельсавета.