Піраго́ўскі сельсаве́т — адміністрацыйна-тэрытарыяльная адзінка ў складзе Дубровенскага раёна Віцебскай вобласці. Адміністрацыйны цэнтр — вёска Пірагі.
Утвораны 20 жніўня 1924 года ў складзе Дубровенскага раёна Аршанскай акругі БССР. У 1927 годзе цэнтр сельсавета перанесены ў вёску Мардашэвічы, сельсавет перайменаваны ў Мардашэвіцкі сельсавет. Пасля скасавання акруговай сістэмы 26 ліпеня 1930 года сельсавет у Дубровенскім раёне БССР, з 20 лютага 1938 года — Віцебскай вобласці. 16 ліпеня 1954 года цэнтр сельсавета вернуты ў вёску Пірагі, сельсавет перайменаваны ў Пірагоўскі[2]. 16 верасня 1960 года ў склад сельсавета з Малабахаўскага сельсавета перададзены 5 населеных пунктаў (Махначы, Рыбалтова, Станіславова, Свіракі і Чубакова)[3]. З 25 снежня 1962 года сельсавет у складзе Аршанскага раёна. 17 ліпеня 1964 года ў склад Малабахаўскага сельсавета вернуты 5 населеных пунктаў (Махначы, Рыбалтова, Станіславова, Свіракі і Чубакова), а ў склад сельсавета з Азярэцкага сельсавета перададзены 7 населеных пунктаў (вёскі Буда, Жабыкі, Лабаны, Ступакі, Шалашына, Шыбаны і чыгуначная станцыя Асінаўка)[4]. З 6 студзеня 1965 года сельсавет у складзе адноўленага Дубровенскага раёна. 8 красавіка 2004 года ў склад Асінторфскага сельсавета перададзена вёска Шабаны[5].
Насельніцтва сельсавета паводле перапісу 2009 года — 1362 чалавекі[6], з іх 96,2 % — беларусы, 2,7 % — рускія, 0,6 % — украінцы[7].