wd wp Пошук: ⬜

Пізанская вежа

Пізанская вежа (італ.: Torre pendente di Pisa) — званіца, частка ансамбля гарадскога сабора Санта-Марыя Асунта (Пізанскі сабор) у горадзе Піза. Будаўніцтва вежы было скончана ў 1360 годзе. Вежа атрымала мянушку «Вежа, якая падае» і сусветную вядомасць дзякуючы таму, што яна моцна нахіленая і быццам «падае».

Вышыня вежы складае 55,86 м ад зямлі на самым нізкім баку і 56,7 м на самым высокім баку. Шырыня сцен у аснове складае 4,09 м і уверсе 2,48 м. Яе маса ацэньваецца ў 14453 т. Бягучы нахіл складае каля 5 ° (адхіленне прыкладна 4,9 м ад вертыкалі). Вежа мае 294 прыступкі.

Гісторыя будаўніцтва

Будаўніцтва вежы вялося ў 2 этапы, пачынаючы з 9 жніўня 1173 г, і з двума доўгімі перапынкамі працягвалася амаль 200 гадоў, да 1360 года. Вежа з’яўляецца званіцай каталіцкага сабора на П’яцца дэі Міраколі. Аўтар праекта так і застаўся невядомы. Без сумнення, вежа з’яўляецца адной з самых выдатных званніц Еўропы. Раней лічылі, што нахіл вежы з’яўляўся часткай праекта, але зараз гэтая версія падаецца малаверагоднай. Вежа праектавалася вертыкальнай, але нахіл пачаў адчувацца ўжо ў працэсе будаўніцтва і можа быць звязаны з дзеяннем такіх фактараў, як мяккасць глебы, ненадзейнасьць або неадпаведнасць падмурка, размыты грунт пад вежай у працэсе будаўніцтва.

Галерэя

Зноскі

↑ Vasari G. Vies des peintres, sculpteurs et architectes — Paris: 1841.
↑ (unspecified title) Праверана 1 верасня 2021.
↑ archINFORM — 1994. Праверана 31 ліпеня 2018.
↑ dati.beniculturali.it — 2014.
↑ Sistema Cultura — 2015. Праверана 31 студзеня 2020.
↑ Sistema Cultura Праверана 31 студзеня 2020.
↑ https://whc.unesco.org/fr/list/395
1 2 https://www.lacasadellestelle.com/la-tour-de-pise-histoire/
↑ https://leaningtowerpisa.com/facts/how-tall-leaning-tower-pisa

Спасылкі

На Вікісховішчы ёсць медыяфайлы па тэме Пізанская вежа
skyscraperpage.com (англ.)
Віртуальны музей
Карта архітэктурных славутасцяў Пізы (англ.)