wd wp Пошук: ⬜

Пётр Юльянавіч Корбут

У Вікіпедыі ёсць артыкулы пра іншых асоб з прозвішчам Корбут.

Пётр Юлья́навіч Ко́рбут (16 (29) верасня 1908, Пінск — 4 лютага 1944, Нікапальскі раён, Днепрапятроўская вобласць) — удзельнік Вялікай Айчыннай вайны, гвардыі палкоўнік. Герой Савецкага Саюза (1944).

Біяграфія

П. Ю. Корбут нарадзіўся ў горадзе Пінску. З 1931 г. у Чырвонай Арміі. У 1932 годзе скончыў Арлоўскую бранятанкавую школу, у 1941 годзе Ваенную акадэмію механізацыі і матарызацыі Чырвонай Арміі. З пачаткам Вялікай Айчыннай вайны з чэрвеня 1941 года на Заходнім, Паўднёвым, 4-м Украінскім франтах. Удзельнік Сталінградскай бітвы. Прайшоў шлях ад камандзіра батальёна да камандзіра 23-й танкавай брыгады. 1 жніўня 1943 г. гвардыі падпалкоўнік П. Ю. Корбут прызначаны камандзірам 37-й гвардзейскай танкавай брыгады (2-і гвардзейскі механізаваны корпус, 5-я ўдарная армія, 4-ы Украінскі фронт), а 15 снежня яму прысвоена званне палкоўніка.

Гвардыі падпалкоўнік Корбут асабліва вызначыўся ў пачатку лютага 1944 года пры прарыве абароны праціўніка на Нікапальскім плацдарме на левым беразе Дняпра ў раёне горада Нікапаль (Днепрапятроўская вобласць). 4 лютага 1944 г. гвардыі палкоўнік П. Ю. Корбут загінуў у баі. Пахаваны ў брацкай магіле ў горадзе Мелітопаль (Запарожская вобласць, Украіна).

Узнагароды

Зноскі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8. — С. 417.
Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)

Спасылкі

Корбут Пётр Юльянавіч на сайце анлайн-энцыклапедыі «Беларусь у асобах і падзеях»
Память народа — электронный банк документов периода Великой Отечественной войны Архівавана 7 лістапада 2021. (руск.)
Корбут Пётр Юлианович // Музей Победы Архівавана 7 лістапада 2021. (руск.)