Пётр Фролавіч Дзмітрачкоў (нар. 7 чэрвеня 1937, в. Ганнаўка, Хоцімскі раён Магілёўская вобласць — 12 снежня 2021) — беларускі гісторык.
Скончыў Магілёўскі педагагічны інстытут (1965), дзе і працаваў далей (з 1997 Магілёўскі дзяржаўны ўніверсітэт імя Аркадзя Куляшова). Кандыдат гістарычных навук (1973), з 1975 па 2005 дэкан гістарычнага факультэта, прафесар (2003). Член-карэспандэнт Беларускай акадэміі адукацыі (1999). У апошнія гады працаваў прафесарам кафедры гісторыі Беларусі, выкладаў вучэбныя і спецыяльныя курсы па айчыннай гісторыі са старажытных часоў да канца XVIII ст[1].
Даследаваў праблемы ўзнікнення і развіцця дзяржаўнасці на Беларусі, этнагенезу беларусаў, гісторыі ВКЛ.