Пяскова-Скала
Пяско́ва-Ска́ла (польск.: Pieskowa Skała, ням.: Peskenstein) — назва замка ў Польшчы, які знаходзіцца за 25 км на паўночны захад ад Кракава ў Малапольскім ваяводстве на тэрыторыі Ойцаўскага нацыянальнага парка ў адміністрацыйных межах вёскі Сулашова. Ахоўны помнік Малапольскага ваяводства.
Назва паходзіць ад вапняковай скалы ў раёне Кракаўска-Чэнстахоўскага ўзвышша, на якой быў узведзены замак. Каля замка знаходзіцца скала пад назвай «Паліца Геркулеса».
Гісторыя
Пяскова-Скала была пабудавана ў XIV стагоддзі каралём Казімірам Вялікім у якасці абарончага замка. Ён адносіўся да ланцужка замкаў, якія былі закліканы ахоўваць паўднёвыя межы дзяржавы, якія мяжуюць з Сілезіяй, а таксама забяспечыць важны тарогвы шлях з Кракава у Вроцлаў. Асблівае значэнне Пясковая-Скала набыла пасля пападання Сілезіі ў сферу ўплыву Багеміі, якая знаходзілась у варожых адносінах з польскімі манархамі. У XVI стагоддзі замак быў перабудаваны ў стылі рэнесанса. У гэтую эпоху быў створаны арачны двор, які нагадвае кракаўскі Вавель. Даступныя для наведвальнікаў цырыманіяльныя і жылыя памяшканні замка абсталяваныя мэбляй розных эпох.
25 красавіка 1983 года Пяскова-Скала была ўнесена ў рэестр ахоўных помнікаў Малапольскага ваяводства(№ А-478[1]).
Зноскі
- ↑ Rejestr zabytków nieruchomych — wojewódzstwo małopolskie(недаступная спасылка)
Спасылкі
-
На Вікісховішчы ёсць медыяфайлы па тэме Пяскова-Скала -
Афіцыйны сайт замка (польск.)
Катэгорыя·З’явіліся ў XIV стагоддзі
Катэгорыя·XIV стагоддзе ў Польшчы
Катэгорыя·Замкі Польшчы
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Будынкі і збудаванні Малапольскага ваяводства
Катэгорыя·Славутасці Малапольскага ваяводства
Катэгорыя·Вікіпедыя·Артыкулы з непрацоўнымі спасылкамі
Катэгорыя·Вікіпедыя·Артыкулы з пераазначэннем значэння з Вікідадзеных