wd wp Пошук: ⬜

Вавель

Вавель (польск.: Wawel — узгорак) — замкавы комплекс на аднайменным узгорку ў горадзе Кракаў, старажытнай сталіцы Польшчы. Знаходзіцца на левым беразе Віслы, на поўдні ад Старога горада.

Гісторыя

У пачатку 9 ст. тут існаваў умацаваны горад. З 11 ст. да 1564 Вавель — галоўная каралеўская рэзідэнцыя. Вядомы комплексам помнікаў архітэктуры 10—17 ст.: ратонда Дзевы Марыі (2-я палова 10 ст.), каралеўскі замак (13—17 ст.) з рэнесансавым аркадным унутраным дваром (1502—1516, архітэктар Ф. Ф’ёрэнціна, Б. Берэчы), заламі ў стылях готыкі, рэнесансу і барока (у т.л. «Пасольская» зала з разной столлю, упрыгожанай т. зв. Вавельскімі галовамі, 1531—35 і з 1925, скульптар К. Дунікоўскі), гатычны кафедральны сабор (14 ст., магільны склеп польскіх каралёў, епіскапаў і вядомых дзеячаў нацыянальнай гісторыі — А. Міцкевіча, Ю. Славацкага, Ю. Пілсудскага, Т. Касцюшкі і інш.) з раманскай крыптай св. Леанарда (каля 1100), рэнесансавай капліцай Жыгімонта I (1517—33) і шматлікімі надмагіллямі (работы Ф. Штоса, Яна Міхаловіча і інш.). У замку — Дзяржаўныя мастацкія зборы (у т.л. вавельскія габелены; звон Жыгімонта). У архіве каштоўныя рукапісы 12 ст.

Вавель занесены ЮНЕСКА y спіс сусветнай спадчыны.

Храналогія

• 1290—1300 — кароль Вацлаў ІІ узвёў першыя мураваныя пабудовы.
• XIV ст. — кароль Казімір Вялікі перабудаваў замак у стылі готыкі.
• 1499 — замак спустошаны пажарам. Аднаўленне распачаў Аляксандр Ягелончык.
• 1595 — чарговы пажар, працы па аднаўленні давялося пачынаць зноў.
• 1702 — новае зруйнаванне замку ад шведскага войска падчас Паўночнай вайны.
• 1724—1728 — спробы аднаўлення замку, не даведзеныя да завяршэння.
• Пасля падзелаў Рэчы Паспалітай замак адрамантаваны, у ім размяшчаецца казарма для аўстрыйскіх войскаў.
• 1905 — распачатыя рэстаўрацыйныя працы.

Музей

Замак — вядомы музейны цэнтр Польшчы. У яго запасніках ёсць калекцыі зброі, габеленаў, гістарычных дакументаў, звязаных з дзяржаўніцкай дзейнасцю Гугі Калантая і стварэннем Канстытуцыі 3 мая.

Гл. таксама

• Варшаўскі замак
• Малы Вавель pl:Zamek w Baranowie Sandomierskim

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).

Спасылкі

	Вавель на Вікісховішчы

• Афіцыйная старонка

Тэмы гэтай старонкі (6):
Замкі Польшчы
Будынкі і збудаванні Кракава
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Гісторыя Польшчы
Вікіпедыя:Спасылка на Вікісховішча непасрэдна ў артыкуле
Вавель