wd wp Пошук: ⬜

Порва

По́рва (фінск.: Porvoo [ˈporʋoː]), Бо́рга (шведск.: Borgå [`bɔrˌgoː]) — камуна ў Фінляндыі і невялікі горад, размешчаны за 50 км на ўсход ад Хельсінкі. З’яўляецца найстарэйшым пасля Турку горадам Фінляндыі.

Гісторыя

Упершыню згадваецца ў летапісах XIV стагоддзя. Да 1809 года ўваходзіў у склад Шведскага каралеўства. Пасля перамогі Расіі ў руска-шведскай вайне 1808—1809 горад увайшоў у склад Вялікага Княства Фінляндскага, звязанага з Расійскім імператарскім домам асабістай уніяй. Пасля 1917 года — у складзе незалежнай Фінляндыі. Горад атрымаў вядомасць пасля таго як 10(22) сакавіка — 7(19) ліпеня 1809 расійскі імператар Аляксандр I склікаў у ім Боргаскі сойм, які зацвердзіў шырокую аўтаномію фінскага народа. Гэты сойм фактычна прызнаў вялікае княства фінскай нацыянальнай дзяржавай, якое да гэтага знаходзілася ў залежнасці ад шведскай кароны. Шведская эліта і ў далейшым захоўвала свае правы і ўплыў у Фінляндыі, у тым ліку і ў Порва.

Насельніцтва

Насельніцтва 48 794 жыхароў (на 31 сакавіка 2011 года).

Фінскія шведы дагэтуль складаюць каля траціны насельніцтва горада, 16 102 чалавека (33 %), фіны — 31 228 чалавек (64 %) (2011 год, ацэнка). Горад афіцыйна двухмоўны.

Гарады-пабрацімы

Зноскі

1 2 3 4 5 6 Ystävyyskuntatoiminta — Порва, 2011. Праверана 15 кастрычніка 2020.
↑ http://admsurgut.ru/rubric/120/Partnery-Surguta

Спасылкі

На Вікісховішчы ёсць медыяфайлы па тэме Порва
Афіцыйны сайт (фін.) (шведск.) (англ.)
Турыстычны сайт Архівавана 11 чэрвеня 2009. (фін.) (шведск.) (англ.)
Порва. Фотарэпартаж. Архівавана 13 снежня 2018. (фін.) (шведск.) (англ.)
Агляд горада Порва (руск.)

Тэмы гэтай старонкі (6):
Катэгорыя·Порва
Катэгорыя·Населеныя пункты, заснаваныя ў 1380 годзе
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Гарады Фінляндыі
Катэгорыя·Населеныя пункты паводле алфавіта